Երեւանում այսօր` հունվարի 15-ին, հայտնաբերվել է երեք երիտասարդի դի:
Ոստիկանության մամուլի ծառայությունից տեղեկացնում են, որ ժամը 10-ի սահմանում հիվանդանոցից ահազանգ է ստացվել, որ Երեւանի Նազարբեկյան փողոցից իրենց մոտ է տեղափոխվել մոտ 22 տարեկան երիտասարդ` մահացած վիճակում: Ոստիկանները տվյալ հասցեում հայտնաբերել են եւս երկու երիտասարդի` մահացած վիճակում: Նրանք եղել են ավտոտնակում` մեքենայի մեջ:
Կատարվում է հետաքննություն: Մահացած երեք երիտասարդների ինքնությունը դեռ պարզ չէ:
Նախնական տեղեկություններով երիտասարդները մահացել են շմոլ գազից:
Shamshyan.com-ի փոխանցմամբ, մահացածներից 2-ը եղբայրներ են, իսկ մեկն էլ աշխատում էր փրկարար:
