ԱՄՆ նորընտիր նախագահ Դոնալդ Թրամփը բրիտանական Times-ին եւ գերմանական Bild-ին տված հարցազրույցում ասել է, որ իր փեսային՝ Ջարեդ Քուշներին, նշանակելու է Մերձավոր Արեւելքի խաղաղ կարգավորման հարցով միջնորդ: Այս մասին գրում է ՌԻԱ Նովոստին:
Ավելի վաղ հայտնի էր դարձել, որ Թրամփի դստեր՝ Իվանկա Թրամփի ամուսինը, Սպիտակ տան ավագ խորհրդականն է լինելու, բայց Իվանկան նախագահի աշխատակազմում չի աշխատելու:
Ըստ Reuters-ի՝ Քուշները զբաղվելու է առեւտրային պայմանագրերով եւ Մերձավոր Արեւելքի խնդիրներով եւ մտադիր է հեռանալ Kushner Companies ընկերության ղեկավարի պաշտոնից:
ԱՄՆ Կոնգրեսի ներկայացուցիչների պալատի դեմոկրատ անդամները երկրի գլխավոր դատախազությունից եւ Էթիկայի վարչությունից պահանջել են ստուգել Քուշներին Թրամփի խորհրդական նշանակելու օրինականությունը:
