ԱՄՆ նորընտիր նախագահ Դոնալդ Թրամփը ՆԱՏՕ-ն կարեւոր, բայց հնացած կազմակերպություն է կոչել, քանի որ այն չի զբաղվել ահաբեկչության խնդրով: Այս մասին Թրամփը հայտարարել է Times-ին տված հարցազրույցում:
«Ես վաղուց եմ ասել, որ ՆԱՏՕ-ում խնդիրներ կան: Թիվ մեկ խնդիր. այն հնացած է, քանի որ հիմնվել է բազմաթիվ տարիներ առաջ: Թիվ երկու խնդիր. երկրները չեն վճարում այն, ինչ պետք է վճարեն: Այն հնացած է, քանի որ հոգ չի տարել ահաբեկչության մասին»,- ասել է Թրամփը:
Չնայած այս ամենին՝ «ՆԱՏՕ-ն շատ կարեւոր է» Թրամփի համար:
«Բրիտանիան վճարում է: 5 երկրներ կան, որ վճարում են: Հինգ: Շատ չէ... 22-ից (նկատի ունենալով ՆԱՏՕ-ի անդամ 28 երկրներին)»,- ասել է ԱՄՆ նախագահը: