Հնդկաստանի ոստիկանությունը ձերբակալել է մոլագար մանկապիղծի, որը խոստովանել է 13 տարվա ընթացքում դեռահաս աղջիկների պղծելու 500 դեպքի մասին: Այս մասին գրում է ՌԻԱ Նովոստին՝ վկայակոչելով Times of India պարբերականը:
Հանցագործին ձերբակալել են շուրջ 3 տարի տեւած լայնածավալ որոնողական գործողության արդյունքում: Ոստիկանությունը հետաքննություն է սկսել, երբ Դելիում բողոք է ստացել երկու աղջիկներից, որոնք հարձակման են ենթարկվել, ենթադրաբար, նույն անձի կողմից: Նա կարմիր վերնազգեստով, ջինսով է եղել եւ աղջիկներին գայթակղել է՝ նոր հագուստ խոստանալով:
Ձերբակալվածը 38-ամյա դերձակ Սունիլ Ռաստոգին է: Նրան ձերբակալել են Դելիի արեւելքում, Կոնդլի շրջանում:
Ոստիկանությունում նշել են, որ կասկածյալը հոգեկան անհավասարակշիռ վիճակում է, քանի որ «տարօրինակ գաղափարներ ունի». Ռաստոգին կարծել է, որ իրեն երբեք չեն բռնի, քանի դեռ կարմիր վերնազգեստով եւ ջինսով է: