Չորեքշաբթի՝ հունվարի 18-ին, Սեուլի շրջանային դատարանը որոշում կընդունի Samsung Electronics կորպորացիայի նախագահի որդուն՝ Լի Չժե Յոնին կալանավորելու օրդեր տալու մասին, ում Հարավային Կորեայի իշխանությունից ժամանակավորապես հեռացված նախագահ Փակ Կըն Հեի շուրջ ծագած կոռուպցիոն սկանդալի հետաքննության շրջանակում մեղադրում են կաշառակերության մեջ, փոխանցում է «ՌԻԱ Նովոստի»-ն:
Երկուշաբթի հատուկ հանձնաժողովը Լի Չժե Յոնին կալանավորելու միջնորդագիր էր ուղարկել: Հատուկ հանձնաժողովի ներկայացուցիչները կարծում են, որ «արդարության հաստատումն ավելի կարեւոր է, քան ազգային տնտեսության վրա կալանքի մասին որոշման հնարավոր ազդեցությունը»:
Լի Չժե Յոնը արդեն մի քանի տարի հոր հիվանդության պատճառով փաստացի ընկերուևթյան ղեկավարի պարտականություններն է կատարում: Նա անցյալ հինգշաբթի հարցաքննվել է դատախազությունում, որը տեւել է 22 ժամ: