Իսպանիայի ազգային ոստիկանությունը ձերբակալել է ԻՊ–ի համար գրոհայինների հավաքագրող խմբավորման ենթադրյալ առաջնորդին, հայտնում է «ՌԻԱ Նովոստի»–ն։
Ձերբակալվածը Մարոկկոյից է, բայց ապրում է Իսպանիայում։ Ոստիկանական գործողությունն իրականացվել է Սան Սեբաստիան քաղաքում։ Բջջի եւս 2 անդամներից մեկին ձերբակալել էին Ֆրանսիայի Ստրասբուրգ քաղաքում, իսկ մյուսին՝ Մարոկկոյում։ Նրանք երկուսն էլ տեղում ԻՊ հրահանգներ էին կատարում։
Ձերբակալված պարագլուխը բռնցքամարտի մարզիչ էր, նա 2010 թվականից այդպես շահում էր երիտասարդների վստահությունը եւ հավաքագրում նրանց ԻՊ–ի համար։ Երիտասարդներին ուղարկում էին Թուրքիա ՝ պատրաստություն անցնելու համար, հետո ուղարկում Եվրոպա ահաբեկչություն իրականացնելու։
