Կառավարության ծրագրում ներառված չէ գյուղատնտեսական ապրանքների գների կարգավորման մեխանիզմի հարցը։ Այս մասին հունվարի 16-ին՝ մամուլի ասուլիսի ժամանակ, ասել է «Իրազեկ եւ պաշտպանված սպառող» ՀԿ նախագահ Բաբկեն Պիպոյանը՝ անդրադառնալով վարչապետ Կարեն Կարապետյանի պաշտոնավարման 100 օրվան։
Նրա խոսքով՝ պետությունը պետք է գների կարգավորման մեխանիզմներ ունենա։ «Սննդամթերքի ոլորտում անգամ կառավարության ծրագրի դիագնոստիկան է սխալ»,– ասաց Պիպոյանը եւ հավելեց, որ նախատոնական օրերին մսամթերքի, մասնավորապես երշիկեղենի արտադրության նկատմամբ հատուկ հսկողություն էր պետք իրականացնել։