ԵՏՄ երկրների աշխատանքային միգրանտները Ռուսաստանում կարող են օգտվել բժշկական ապահովագրությունից։ Այս մասին հունվարի 16-ին՝ մամուլի ասուլիսի ժամանակ, ասել է ԵՏՀ Կոլեգիայի անդամ, մակրոտնտեսության եւ ինտեգրացիայի հիմնական ուղղությունների հարցերով նախարար Տատյանա Վալովայան։
Նրա խոսքով՝ այդ կարգը գործում է 2017-ի հունվարի 1-ից նրանց համար, ովքեր աշխատում են Ռուսաստանում աշխատանքային պայմանագրերով։ Այդպիսով՝ Ռուսաստանում աշխատող ԵՏՄ անդամ երկրների քաղաքացիները կարող են բժշկական սպասարկման անվճար երաշխիքներ ստանալ այն հիմքերով, ինչ որ ՌԴ քաղաքացիները։
Անդրադառնալով հարցին, թե կհետեւեն Ռուսաստանի օրինակին, Վալովայան նշեց, որ ԵՏՄ նպատակներից մեկը աշխատուժի ազատ տեղաշարժման պայմաններ ստեղծելն է, հետեւաբար աշխատանքի ընդհանուր պայմաններ ստեղծելը։