«Նուբարաշեն» քրեակատարողական հիմնարկի դատապարտյալ Հակոբ Վարդապետյանը մեղադրվում է խարդախության մեջ:
Ըստ ոստիկանության լրատվական ծառայության տարածած հաղորդագրության` 2011թ.-ին խարդախության համար 9 տարվա ազատազրկման դատապարտված Վարդապետյանն Ամանորի նախաշեմին մայրաքաղաքի սուպերմարկետներից մեկի սեփականատիրոջից խարդախությամբ ձեռք է բերել 6 մլն դրամի խմիչք, որի համար չի վճարել: Պարզվում է` Վարդապետյանը ներկայացել է խոշոր ընկերության հաշվապահ Գեւորգ Սողոմոնյան եւ դրամական կեղծ կտրոնով ձեռք բերել 6 մլն դրամի խմիչք եւ անհետացել:
Սա Վարդապետյանի համար խարդախության միակ դեպքը չէ: Դեռեւս դեկտեմբերի 7-ին նա խանութներից մեկից խարդախությամբ ձեռք էր բերել 15 հատ iPhone:
Դեպքի առթիվ հարուցվել է քրեական գործ, կատարվում է քննություն:
Մանրամասները` ոստիկանության պատրաստած տեսանյութում:
