Սան Ֆրանցիկոյում ձերբակալվել է Օռլանդոյի գեյ–ակումբի հրաձիգ Օմար Մատինի կինը։ Ինչպես հաղորդում է ABC News–ը, Նուր Սալմանը կասկածվում է ամուսնուն օժանդակելու, արդարադատությանը ոչընդոտելու, ահաբեկչական խմբավորմանը աջակցելու մեջ։ Սպասվում է, որ նա արտահանձնվելու է Ֆլորիդա, որտեղ էլ կնոջը մեղադրանքներ են ներկայացվելու։
ԱՄՆ-ի Ֆլորիդայի նահանգի Օռլանդո քաղաքի Pulse գեյ–ակումբի վրա հարձակումը տեղի էր ունեցել անցած տարվա հունիսի 12–ին։ Օմար Մատինի հարձակման արդյունքում 49 մարդ սպանվել էր, ավելի քան 50 վիրավորվել։ Ինքը Մատինը սպանվել էր ոստիկանության կողմից։ Ահաբեկչության պատասխանատվությունը ստանձնել էր «Իսլամական պետությունը»։
