Հայ եւ վրացի զինվոականները մասնակցում են 25-օրյա զորավարժություններին, որոնք մեկնարկել են Սաչխերեի (Իմերեթիի տարածաշրջան) լեռնային պատրաստվածության կենտրոնում, հաղորդում է Sputnik-Грузия–ն՝ վկայակոչելով Վրաստանի պաշտպանության նախարարության մամուլի ծառայությունը։

Հայաստանցի զինվորականների մասնակցության մասին որոշումը կայացվել էր ՀՀ պաշտպանության նախարար Վիգեն Սարգսյանի՝ անցած տարվա դեկտեմբերին Թբիլիսի կատարած այցի ընթացքում։ Բացի հայ եւ վրացի զինվորականներից, զորավարժություններին մասնակցում են նաեւ Լիտվայի եւ Ֆրանսիայի ներկայացուցիչները՝ ընդհանուր առմամբ 14 հոգի։

Ձմեռային զորավարժությունները բաղկացած են երկու փուլից։ Նախ զինվորականները բարելավում են լեռնային պայմաններում կրակելու մարտավարությունը Օրֆոլո հրաձգարանում։ Երկրորդ փուլը ենթադրում է զինվորականների այց Գուդաուրի լեռնադահուկային հանգստյան գոտի, որտեղ զինվորականները դահուկներով պետք է սար բարձրանան, ապաստան կառուցեն, որոնել ձնահոսքի տակ մնացածներին եւ կազմակերպեն նրանց տարհանումը։

Դասընթացի ավարտին զինվորականները կպարգեւատրվեն վկայականներով եը կրծքանշաններով։