Եվրամիության անդամ երկրները «կմնան միասին», Բրյուսելում ԵՄ երկրների արտգործնախարարներների հանդիպման ավարտին հայտարերել է Եվրամիության միասնական արտաքին քաղաքականության և անվտանգության հարցերով բարձր ներկայացուցիչ Ֆեդերիկա Մոգերինին։ Այդպիսով նա հեռակա կարգով պատասխանել է Միացյալ Նահանգների ընտրված նախագահ Դոնալդ Թրամփի հայտարարություներին։ «Ես ավելի քան 100 տոկոսով համոզված եմ դրանում», – շեշտել է եվրոպական դիվանագիտության ղեկավարը, հաղորդում է DW–ն։

Բրյուսելում կայացած հանդիպման ընթացքում Եվրամիության անդամ երկրների արտգործնախարարները կրկին վերահաստատել են Իսրայելի եւ Պաղեստինի միջ հակամարտության խաղաղ կարգավորման գործընթացում երկու պետությունների տեսլականին իրենց հանձնառությունը։ Մոգերինին զգուշացրել է Վաշինգտոնին, որ Մերձավոր Արեւելքի հարցում միակողմանի քաղաքականությունը հղի է լուրջ հետեւանքներով։

Նրան սատարել է նաև Գերմանիայի արտգործնախարար Ֆրանկ–Վալտեր Շտայնմայերը։ «Մեզ անհանգիստ ժամանակներ են սպասում Մերձավոր Արեւելքում, եթե մեզ չհաջողվի համոզել կողմերն հակամարտող կողմերին սկսել ուղել բանակցություններ», – ասել է Շտայնմայերը։ ԵՄ–ում հուսով են, որ Միացյալ Նահանգները կսատարի այս ուղին, նշել է նա։