Այսօր` հունվարի 16-ին, ժամը 17;50-ին Վանաձորի կենտրոնում գտնվող Տիգրան Մեծի փողոցի բնակարաններից մեկում կախված վիճակում հայտնաբերվել է 48-ամյա Մարիամ Օ.-ն։
Կնոջը կախված վիճակում հայտնաբերել են տուն վերադարձած հարազատները, որոնց օգնության կանչը լսելով էլ հարեւաններն ահազանգել են Վանաձորի բժշկական կենտրոնի շտապբուժօգնության բաժանմունք։ Անմիջապես դեպքի վայր մեկնած բրիգադը, սակայն, ոչինչ չի կարողացել անել. այցի պահին կինն արդեն մահացած է եղել։ Թե ինչու է կինը դիմել այդ քայլին, դեռեւս պարզ չէ։
Լոռու մարզի քննչական վարչությունում աշխատանքներ են տարվում՝ դեպքի հետ կապված մանրամասները ճշտելու ուղղությամբ։