Բաքուն պաաշտոնապես հաստատել է ԵԱՀԿ-ի գործունեության նկատմամբ սեփական դիրքորոշման ոչ կառուցողականությունը:
Մեկնաբանելով ԵԱՀԿ-ի երեւանյան գրասենյակի շուրջ ստեղծված իրավիճակը՝ haqqin.az-ը հայտնել է, որ Ադրբեջանի ԱԳ նախարարության պաշտոնական ներկայացուցիչ Հիքմեթ Հաջիեւը հաստատել է, որ Բաքուն իսկապես շրջափակել է ԵԱՀԿ-ի բյուջեն:
«Ադրբեջանը քանիցս ԵԱՀԿ-ի մշտական խորհրդին տեղեկացրել է, որ ԵԱՀԿ-ի երեւանյան գրասենյակի ռազմաքաղաքական ձգտումները Բաքվին անհանգստացնում են»,- հայտարարել է Հաջիեւը: Ադրբեջանական կողմի դեմարշի պատճառը ականազերծման ծրագրի իրականացումն է: «Քանի դեռ հակամարտությունը չի կարգավորվել, Բաքուն համանման ծրագրերի իրականացումը նպատակահարմար չի համարում: Չնայած Ադրբեջանի զգուշացումներին Երեւանի գրասենյակը շարունակել է այդպիսի միջոցառումները եւ ծրագրերը ֆինանսավորել»,- նշել է Հաջիեւը:
Նույն աղբյուրը հայտնել է, որ ԵԱՀԿ-ի գործող նախագահ Սեբաստյան Կուրցը մտադիր է առաջիկայում Բաքու այցելել:
Ավելի վաղ հաղորդվել է, որ ԵԱՀԿ-ի Երեւանի գրասենյակի գործունեությունը ժամանակավորապես առկախվել է ԵԱՀԿ-ի երեւանյան գրասենյակի մանդատը չերկրաձգելու պատճառով:
