«Հայկական վերածնունդ» կուսակցությունն, ամենայն հավանականությամբ, ընտրություններին կմասնակցի առանձին, սակայն դաշինքը չի բացառվում: Այս մասին այսօր՝ հունվարի 17-ին, լրագրողներին ասաց կուսակցության մամուլի խոսնակ Էդգար Առաքելյանը:
Նա նշեց, որ կուսակցությունը հանդիպումներ է ունենում եւ բանակցություններ վարում տարբեր քաղաքական ուժերի հետ՝ դաշինք կազմելու հավանականությունը քննարկելու համար:
«Մենք տարբեր քաղաքական ուժերի ներկայացուցիչների հետ հանդիպումներ ենք ունեցել, քնարկումներ եղել են, այսօր էլ կան: Դրանք հայտնի քաղաքական ուժեր են, բնականաբար, չեմ հրապարակի, թե ովքեր են: Հավանականությունը մեծ է, որ մենք առանձին կմասնակցենք, բայց ոչ մի բան չենք բացառում»,- ասաց նա:
Ընտրություններից հետո որեւէ քաղաքական ուժի հետ համագործակցությունը եւս Էդգար Առաքելյանը չի բացառում. «Կոալիցիա կազմելը կախված է մեր հավաքած ձայներից»: