Չինաստանի նախագահ Սի Ձինպինը Դավոսում Համաշխարհային տնտեսական համաժողովում իր ելույթի ընթացքում հայտարարել է համաշխարհային առեւտրում ազգային հովանավորչության անթույլատրելիության մասին: Նրա ելույթի հեռարձակումը հասանելի է համաժողովի պաշտոնական կայքում, հայտնում է Gazeta-ն:
Չին առաջնորդի կարծիքով՝ բոլոր երկրները պետք է հետեւեն առեւտրի ազատության սկզբունքներին:
«Հովանավորչության քաղաքականության վարումը նման է քեզ մութ սենյակում փակելուն: Դրսում կարող է անձրեւ եւ քամի լինել, բայց նաեւ օդ եւ լույս: Առեւտրային պատերազմում հաղթողներ չեն լինի»,- ասել է Սի Ձինպինը: