Մոլդովայում ոչ ոք հիմա պաշտոնապես չի ճանաչի Ղրիմը՝ որպես ռուսական տարածք Ուկրաինայի հետ բարեկամական հարաբերություններ կառուցելու եւ Մերձդնեստրի հարցի լուծման անհրաժեշտության պատճառով, ասել է Մոլդովայի նախագահ Իգոր Դոդոնը, փոխանցում է «ՌԻԱ Նովոստի»–ն։
«Ես իմ դիրքորոշումը չեմ փոխել, չեմ փոխում եւ չեմ էլ փոխի։ Բայց պետք է հասկանանք, որ մենք Ուկրաինայի հետ պետք է բարեկամական հարաբերություններ կառուցենք, մենք պետք է լուծենք Մերձդնեստրի հարցը։ Եվ ինչ–որ պաշտոնական հայտարարություններ անել, ճանաչել ինչ–որ բաներ, Մոլդովայում ոչ ոք չի գնա նման ռիսկի»,–ասել է Դոդոնը։