Մոսկվայում սկանդալային արշավորդ Մառա Բաղդասարյանի հայրը դատարանում կշտամբել է դստերը, հայտնում է «ՌԵՆ TV»–ն։
«Ոստիկանություն, հատուկ բանտախցեր, դատարաններ… Այս ամենը երբեւէ վերջանալու՞ է»,– հետաքրքրվել է Էլմար Բաղդասարյանը աղջկանից։ Նա հայտարարել է, որ հոգնել է նրա վարքից եւ խոստացել է աղջկան ուրիշ քաղաք ուղարկել, եթե նա չփոխվի։
Հունվարի 17-ին դատարանը քննում էր Բաղդասարյանի կալանքի բողոքարկումը։ Աղջկան հունվարի 12–ին կալանավորել էին 15 օրով պարտադիր աշխատանքներից խուսափելու համար։
Բաղդասարյանը պետք է դռնապան աշխատեր, սակայն առողջական վիճակի պատճառով նրան թույլ էին տվել գրասենյակում փաստաթղթերի հետ աշխատել։
Բաղդասարյանն անցնում էր Մոսկվայում Mercedes-Benz Gelandewagen–ի արշավների քրեական գործով։ Ոստիկաններին չենթարկվելու համար նրան 10 օրվա վարչական կալանքի էին ենթարկել։ Բացի այդ 144 հազար ռուբլի տուգանքները չվճարելու համար նա պարտավորվել էր 595 ժամ հարկադիր աշխատանք կատարել։