Ուկրաինական Femen շարժման կիսամերկ ակտիվիստը ներխուժել է Մադրիդի մոմե արձանների թանգարան, ուր այդ պահին ընթանում էր Միացյալ Նահանգների նորընտիր նախագահ Դոնալդ Թրամփի արձանի շնորհանդեսը։ Մերկ կրծքով կինը հորդորել է ներկաներին «բռնել հայրիշխանությանը ամորձիներից»։ Ընդ որում, նա օրինակ է ծառայել՝ բռնել է Թրամփի մոմե արձանի ամորձիներից։ Համապատասխան հորդորը գրված է եղել նաեւ կնոջ մեջքին։
Femen շարժման Twitter–ի էջում հայտնվել է հետեւյալ գրառումը. «Femen–ը հենց նոր բռնեց Թրամփին ամորձիներից։ Բռնե՛ք հայրիշխանությանը ամորձիներից»։
Նշվում է, որ Femen շարժման հորդորը վերափոխված մեջբերում է նույն Թրամփից, որը 2005 թվականին հարցազրույցում գլուխ էր գովել, թե «կարող է բռնել կանանց մարմնի ինտիմ մասերը, քանի որ աստղերին ամեն ինչ թույլատրված է»։
Video: Topless @FemenSpain protester interrupts unveiling of Donald Trump waxwork at Madrid museum https://t.co/Er9c4WT68l
— El País in English (@elpaisinenglish) 17 января 2017 г.
