Սպանության մեղադրանքով հետախուզման մեջ գտնվող Վրեժ Հախվերդյանը հայտնաբերվել է Ռուսաստանում եւ կալանավորվել: Նրան հունվարի 12-ին Մոսկվա-Երեւան չվերթով տեղափոխել են Երեւան: Այս մասին NEWS.am-ը տեղեկանում է ոստիկանության պաշտոնական կյաքէջից։
Նշենք, որ Տավուշի մարզի Հաղարծին գյուղի բնակիչ 36-ամյա Հախվերդյանը հետախուզվում էր սպանության մեղադրանքով: 2009թ. հոկտեմբերի 25-ին Դիլիջանի Կալինինո փողոցի թիվ 181 շենքի 5-րդ բնակարանում վիճել էր Դիլիջանի բնակիչ Գուրգեն Մելքումյանի հետ եւ սպանելու դիտավորությամբ խոհանոցային դանակով խփել նրան ու դիմել փախուստի: Դանակի հարվածից ստացած վնասվածքներից Գուրգեն Մելքումյանը մահացել էր:
