Ճապոնիայի Կոբե քաղաքի ոստիկանությունը հաղորդել է 57-ամյա տղամարդու ձերբակալության մասին, որի բնակարանից վերջին 5 տարիների ընթացքում մարտական ատրճանակների խոշորագույն խմբաքանակն են առգրավել: Այս մասին գրում է ՌԻԱ Նովոստին:
Տղամարդն իրավապահների ուշադրությունը գրավել է, երբ փորձել է համացանցի միջոցով գրիչի տեսքով ատրճանակ պատվիրել: NHK հեռուստաալիքի հաղորդմամբ՝ նրա տանը խուզարկության ընթացքում 16 մարտական ատրճանակ են հայտնաբերել: Դրանք տիրոջ սիրո եւ հպարտության առարկան են:
Ձերբակալվածը խոստովանել է, որ զենք սկսել է գնել ավելի քան 10 տարի առաջ, օգտագործված իրերի առեւտրային ցանցի միջոցով: Ոստիկանությունը ստուգում է այս վարկածը: