Թուրքիայի իշխանությունները պետական հեղաշրջման փորձի հետաքննության շրջանակում գործողություններ են իրականացրել երկրի 54 նահանգներում եւ 243 զինծառայողի ձերբակալության թույլտվություն տվել: Այս մասին հաղորդում է HaberTurk-ը:
Հեռուստաալիքի տվյալներով՝ զինծառայողներին կասկածում են ByLock մեսենջեր օգտագործելու մեջ, որը, հետաքննության վարկածով, խռովության ընթացքում օգտագործվել է ելույթներ նախապատրաստելիս:
2016 թվականի հուլիսի 15-ին Թուրքիայի Զինված ուժերի մի խումբ զինվորներ եւ սպաներ երկրում ռազմական հեղաշրջման փորձ արեցին: Հիմնական իրադարձությունները զարգացան Անկարայում եւ Ստամբուլում: 246 մարդ զոհվեց՝ չհաշված խռովարարներին, ավելի քան 2 հազար մարդ էլ վիրավորվեց: