Երեւան-Մեղրի ավտոճանապարհին այսօր՝ հունվարի 18-ի գիշերը ավտովթարից տուժած 6 քաղաքացիներից 5-ը տեղափոխվել են Երեւան: Այս մասին  NEWS.am-ը տեղեկացավ Արարատի բժշկական կենտրոնից:

Հիվանդանոցից տեղեկացրին, որ տուժածները ստացել են տարբեր աստիճանի մարմնական վնասվածքներ: Երեւան է տեղափոխվել նաեւ ավտովթարից տուժած 3-ամյա երեխան:

Ավելի վաղ տեղեկացրել էինք, որ Հայաստանի ԱԻՆ-ում գիշերը ժամը 02.11-ին ահազանգ է ստացվել, որ Երեւան-Մեղրի ավտոճանապարհի 53-րդ կմ-ին՝ Զոդի կամրջի մոտ, տեղի է ունեցել ավտովթար, կան տուժածներ. անհրաժեշտ է փրկարարների օգնությունը:

Պարզվել է, որ բախվել են «ՎԱԶ-2106» մակնիշի 34 QR 153 (վարորդ՝ 26-ամյա Վ. Մ.) եւ «Mercedes» մակնիշի 34 AA 321 (վարորդ՝ 33-ամյա Ռ. Գ.) համարանիշների ավտոմեքենաները, ինչի հետեւանքով Վ. Մ.-ն, Ռ. Գ.-ն, ուղեւորներ՝ 3-ամյա Ռ. Ն.-ն, 51-ամյա Գ. Մ.-ն, 17-ամյա Ա. Լ.-ն եւ 3-ամյա Է. Գ.-ն տարբեր աստիճանի մարմնական վնասվածքներով փրկարարների եւ շտապօգնության աշխատակիցների ուժերով: