Բաքվի Ղարադաղի շրջանի բնակիչները փակել են Բաքու–Աստարա մայրուղին։ Ինչպես հայտնում է Qafqazinfo–ն, բնակիչները պահանջում են վերգետնյա անցում կառուցել։
Երեք օր առաջ Սանգաչալի ավանում մեքենան մահացու վրաերթի էր ենթարկել 9-ամյա մի տղայի։ Այդ կապակցությամբ այսօր ցուցարարները պահանջում են այդ տարածքում վերգետնյա անցում կառուցել։ Դա մեծ խցանումներ էր առաջացրել, այս պահին մեքենաների երթեւեկությունը վերականգնվել է։