Հայաստանի օմբուդսմեն Արման Թաթոյանը միջազգային կառույցներին տվյալներ կներկայացնի խաղաղ բնակչության նկատմամբ Ադրբեջանի ԶՈւ-ի ագրեսիայի եւ Չինարի գյուղի գնդակոծման վերաբերյալ:
Արդեն հաղորդվել է, որ դեկտեմբերի 29-ի միջադեպից հետո, երբ Հայաստանի ԶՈւ-ն կասեցրեց Ադրբեջանի կողմից դիվերսիայի փորձը, ադրբեջանական կողմը մի քանի անգամ գնդակոծել է Չինարի գյուղը: Գնդակոծման թիրախում են եղել քաղաքացիական օբյեկտները, այդ թվում՝ տները, մանկապարտեզի եւ դպրոցի շենքերը:
Հայաստանի օմբուդսմենը հայտնել է, որ հաջորդ շաբաթ Ստրասբուրգ է այցելելու, որտեղ հանդիպումներ են նախատեսված Եվրոպայի խորհրդի բարձրաստիճան պաշտոնյաների հետ: Այնուհետեւ կայցելի Բրյուսել, որտեղ նույնպես բարձր մակարդակի հանդիպումներ կունենա միջազգային կազմակերպությունների գործընկերների հետ: «Այս պահին կոռեկտ չէ խոսել այն մասին, թե ինչ արձագանք է հնարավոր սպասել, սակայն նրանց բոլորին Ադրբեջանի գործողությունների մասին տվյալներ կներկայացվեն»,- նշել է Արման Թաթոյանը: