News
Լրահոս
News
Ուրբաթ
Մարտ 29
Տեսնել լրահոսը

Լավրովի խոսքը կարող է վճռորոշ լինել Ղարաբաղ այցելած իսրայելցի բլոգեր Ալեքսանդր Լապշինի գործում: Այս մասին Il Giornale պարբերականում հրապարակված հոդվածում նշել է լրագրող Սիմոնե Ձոպելարոն: Հեղինակը գրում է.

«Նրա փոխարեն կարող էի ես լինել, եւ ոչ միայն ես:  Ավելի քան 180 արտասահմանյան լրագրողներ Ադրբեջանում անցանկալի անձ են հայտարարվել: Նրանց մեջ քիչ չեն նաեւ իտալացիները:

Ադրբեջանի կաշառված լրագրողներից, պետական հաքերներից եւ ջանասեր պաշտոնյաներից կազմված պետական քարոզչական մեքենան պատրաստ է հարձակվել ոչ միայն տեղական լրատվամիջոցների (մամուլի ազատության վարկանիշում Ադրբեջանը աշխարում վերջին տեղերից մեկում է), այլեւ արտասահմանյան այն լրագրողների վրա, ովքեր խիզախություն են ունեցել իրենց քիթը խոթել այս ռեժիմի գործերի մեջ:

Ալեքսանդր Լապշինը, որը երկքաղաքացի բլոգեր է՝ Ռուսաստանի եւ Իսրայելի, Մինսկում կալանավորված է Լեռնային Ղարաբաղ կատարած այցելության եւ իր գրառման մեջ Ադրբեջանի նախագահ Ալիեւի մասին քննադատական արտահայտությունների համար: Նրան ոչ մի այլ մեղադրանք չի առաջադրվել, նույնիսկ սարքած, ինչպես արվում է այդ երկրներում:

Ոչ իսրայելական, ոչ ռուսական դիվանագիտությունը չեն փորձում նրան ազատել: Չօգնեցին անգամ Թել Ավիվի եւ Բաքվի հրաշալի հարաբերությունները: «Ադրբեջանցիները ցանկանում են Լապշինին նմուշօրինակ սարքել»,- իսրայելական Haaretz-ի հետ հարցազրույցում հայտարարել է իսրայելցի դիվանագետը՝ չցանկանալով, որ իր անունը հրապարակվի:

Այս առիթով հանդես է եկել Ռուսաստանի ԱԳ նախարար Սերգեյ Լավրովը, ով հայտարարել է. «Մենք դեմ ենք այս կամ այն տարածաշրջանում այս կամ այն շրջան լրագրողների կամ պարզապես մասնավոր անձանց այցելությունների քրեականացմանը որպես քրեական հանցագործություն»: Հստակ մատնանշվում է Ղարաբաղը: Լավրովի խոսքը կարող է վճռորոշ լինել՝ հաշվի առնելով Մինսկի վրա Մոսկվայի ազդեցությունը:

40-ամյա Ալեքսանդր Լապշինին ռուսալեզու աշխարհում լավ են ճանաչում: Նրա բլոգում տեղադրված են ավելի քան 120 երկրներից պատմություններ եւ լուսանկարներ: Նա քաղաքականությամբ չի զբաղվում, նա չի գրել Ադրբեջանի նախագահի ֆինանսական սկանդալների կամ այդ երկրում մարդու իրավունքների խախտումների մասին, ինչպես իր շատ գործընկերներ, որոնք Բաքվի բանտերում են հայտնվել: Բայց արդեն մեկ ամսից ավելի նա օդում կախված է»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ