Հայաստանի ՄԻՊ Արման Թաթոյանը մեկնաբանել է Ադրբեջանի իշխանությունների նախաձեռնած «Բաքվի խաղաղության պլատֆորմ» կոչվող ներկայացումը։ Հիշեցնենք, որ դրան միացել են արտասահմանում ապրող հայեր։
«Ի՞նչ պլատֆորմի մասին կարող է խոսքը գնալ, եչբ մարդկանց դաժանորեն սպանում են միայն այն բանի համար, որ նրանք հայ են։ Վերցրեք ապրիլյան պատերազմի օրինակը, ԼՂՀ ՄԻՊ–ի զեկույցը։ Դաժան սպանություն հենց ազգության պատճառով։ Ավելին՝ կան կադրեր, եւ մենք դրանք կներկայացնենք միջազգային կառույցներին, որտեղ ադրբեջանցի զինվորը ձեռքում բռնել է զինվորի գլուխը որպես հպարտության առարկա, եւ նրան գովում են։ Նման պայմաններում, ինչպես նաեւ հայկական գյուղերի գնդակոծման եւ քաղաքացիական բնակչությանը վնաս հասցնելու պարագայում ի՞նչ պլատֆորմի մասին է գնում խոսքը»,– հարցադրում է արել ՄԻՊ–ը։
Միաժամանակ նա հիշեցրել է բրիտանացի վերլուծաբան Թոմաս դե Վալի խոսքը, որ այդ պլատֆորմին միացած հայերը չեն ներկայացնում Հայաստանի որեւէ կազմակերպություն։ «Հետազոտությունը ցույց է տալիս, որ նրանք որեւէ իրավապաշտպան աշխատանք երկրում չեն վարում»,– նշել է ՄԻՊ–ը։