Բուլղարիայի Պլովդիվ քաղաքում Հրաչ քահանա Մուրադյանը միացել է «Տաք ճաշ» նախաձեռնությանը, հաղորդում է «Plovdiv Live»-ը:
Նախաձեռնության հեղինակն է Սուրբ Հովհաննեսի հոսպիտալիերների ուղղափառ միաբանությունը: Քահանան, որը միացել էր նրանց, սնունդ էր բաժանում քաղաքի հիվանդանոցների մեկի մուտքի մոտ:
Նա նշեց, որ մերձավորին օգնելը հավատքի պատվիրաններից է: Առաքելական եկեղեցին ուրախ է աջակցել հոսպիտալիերներին նաեւ նրա համար, որ միաբանության առաջնորդը երկար տարիներ աջակցում է տեղի հայ համայնքի դպրոցին:
Բարեգործական այս ակցիան կազմակերպվում է արդեն 3 տարի: Դրան մասնակցում են երկրում հայտնի մարզիկներ, երաժիշտներ, հասարակական գործիչներ, այդ թվում՝ ըմբշամարտի կրկնակի օիմպիական չեմպիոն Արմեն Նազարյանը, որն այժմ բնակվում է Բուլղարիայում:
