Ռուսաստանի ԱԳ նախարար Սերգեյ Լավրովի հայտարարությունը ոչ այլ ինչ է, քան ղարաբաղյան հակամարտության շուրջ իրադրության հստակ գնահատական: Այդ մասին NEWS.am-ի հետ զրույցում ասաց ՀՀԿ ԱԺ խմբակցության ղեկավար Վահրամ Բաղդասարյանը՝ մեկնաբանելով Լավրովի այն արտահայտույունը, որ հակամարտության կարգավորումը միայն Ադրբեջանի ներքին գործերի հարցը չէ:
Նրա կարծիքով, Ռուսաստանի դիրքորոշումը սկբունքորեն չի փոխվել, ուղղակի այս անգամ հնչել է ավելի կոնկրետ: «Մենք երկար ժամանակ ասում էինք հասցեական գնահատականների անհրաժեշտության մասին, եւ կարծես թե Ռուսաստանը՝ որպես ԵԱՀԿ Մինսկի խմբի համանախագահ երկիր, հստակեցնում է իր դիրքորոշումը: Ակնհայտ է, որ Լավրովի խոսքերն ուղղված էին ադրբեջանական կողմին»:
Նա չի կարծում, որ սրանով Ռուսաստանի ԱԳՆ-ն ակնարում է Բաքվին, որ առանց Ռուսաստանի իմացության որեւէ քայլ անընդունելի է, Բաղդասարյանն ասաց. «Եթե Ռուսաստանին անհրաժեշտ լինել ինչ-որ բան ակնարկել, ապա ինչպես ՌԴ նախագահ Վլադիմիր Պուտինը, այնպես էլ Սերգեյ Լավրովը կարող էին այլ ճանապարհ ընտրել»:
Հիշեցնենք, որ 2016 թ. արդյունքներով գումարված ասոևլիսին Ռսուսաստանի ԱԳ նախարար Սերգեյ Լավրովը նշեց, որ ԼՂՀ հակամարտությունը վերացական խնդիր չէ եւ չի կարող լինել սոսկ Ադրբեջանի ներքին հարցը: