«Սասնա ծռեր» խմբին աջակցելու մեջ մեղադրվող «Հիմնադիր խորհրդարանի» անդամ Կարո Եղնուկյանը եւս երկու ամիս կմնա կալանքի տակ: Այսօր՝ հունվարի 18-ին, Երեւանի Արաբկիրի եւ Քանաքեռ-Զեյթուն վարչական շրջանների ընդհանուր իրավասության դատարանը բավարարել է նախաքննական մարմնի՝ Կարո Եղնուկյանի խափանման միջոց կալանքը երկարացնելու մասին միջնորդությունը:
Ավելի վաղ NEWS.am-ը տեղեկացրել էր, որ Սասնա ծռեր» խմբին աջակցելու մեղադրանքով կալանավորվել է «Հիմնադիր խորհրդարանի» անդամ Կարո Եղնուկյանը: Նրա շահերի պաշտպանի՝ 1 միլիոն դոլար գրավի եւ երաշխավորագրերի միջնորդությունները դատարանը մի քանի անգամ մերժել է: