Մեծ Բրիտանիայի դուրս գալուց հետո ԵՄ կազմում մնացող երկրները պետք է միակուռ մնան։ Այս մասին ասել է Գերմանիայի կանցլեր Անգելա Մերկելը՝ այդպիսով պատասխանելով Մեծ Բրիտանիայի վարչապետ Թերեզա Մեյի հայտարարությանը, թե Լոնդոնը պատրաստվում է Բրյուսելի հետ համաձայնեցրած վերջնական պլանը ներկայացնել Մեծ Բրիտանիայի խորհրդարանի 2 պալատների քվեարկությանը, փոխանցում է DW–ն։
«Ամենակարեւորը, որ Եվրոպան թույլ չտա պառակտել իրեն»,– ասել է Մերկելը։ Նրա խոսքով՝ հիմա անհրաժեշտ է կազմել Մեծ Բրիտանիայի կառավարության հետագա մտադրությունների մասին հստակ պատկերացում, որը կարելի կլինի ստանալ Լոնդոնի հետ շատ ինտենսիվ կապերի միջոցով։
