2016 թվականը ջերմաստիճանի ցուցանիշներով գերազանցել է 2015-ի ռեկորդը եւ դարձել դիտարկվող ողջ պատմության ընթացքում ամենատաք տարին, փոխանցում է BBC-ն:
NASA-ի եւ բրիտանական օդերեւութաբանության վարչության տվյալներով՝ անցյալ տարի գլոբալ ջերմաստիճանը Ցելսիուսի 0,07 աստիճանով գերազանցել է 2015-ի ցուցանիշները:
Չնայած թվերը վիճակագրական սխալի սահմանին են, NASA-ից նշել են, որ վերջին տարիներին ջերմաստիճանային ռեկորդները երեք անգամ գերազանցվել են:
Գիտնականների կարծիքով՝ որոշակի դեր է ունեցել Էլ Նինյոյի ֆենոմենը, սակայն հիմնական գործոնը մթնոլորտ ջերմոցային գազերի արտանետումներն են: