Հյուրանոցների որոնման RoomGuru.ru  ծառայությունը պարզել է 2017–ին ռուսաստանցի զբոսաշրջիկների շրջանում ամանորյա արձակուրդներն անցկացնելու ամենատարածված ուղղությունները։ Վարկանիշը կազմվել է հյուրանոցների ամրագրումների հիման վրա՝ 2017-ի հունվարի 1-8–ը։

Ընկերության մամուլի ծառայությունից հայտնում են, որ Երեւանը ԱՊՀ քաղաքների շարքում ռուսաստանցիների համար ամանորյա արձակուրդներն անցկացնելու 4–րդ նախընտրելի վայրն է։

ԱՊՀ ուղղություններով ամենատարածված քաղաքներն են Մինսկը, Թբիլիսին, Բաքուն, Երեւանը եւ Ալմաթին։

RoomGuru.ru ծառայության տվյալներով՝ ամանորյա տոների օրերին զբոսաշրջիկները Երեւանի հյուրանոցներում մնացել են միջինում 4 գիշեր եւ վճարել օրական 53 դոլար։

«ՏուրՍտատ» գործակալության կանխատեսումներով՝ 2017 թվականին դեպի ԱՊՀ ճանապարհորդող ռուսաստանցիների թիվը 10 տոկոսով կաճի։

Հեռավոր արտասահմանի քաղաքների առաջին եռյակում են հայտնվել Պրահան, Տալլինն ու Ռիգան։