Լեռնային Ղարաբաղ այցելելու համար Բելառուսում ձերբակալված բլոգեր Ալեքսանդր Լապշինին փորձում են ստիպել Ադրբեջանից ներողություն խնդրել:
Haaretz-ը հայտնել է, որ Իսրայելը պաշտոնական Բաքվին առաջարկել է Լապշինի ներողությամբ նամակ փոխանցել, եթե Ադրբեջանը հրաժարվի արտահանձնման գաղափարից: Նամակն արդեն ձեւակերպված է, եւ միայն Ադրբեջանի համաձայնությանն են սպասում, որից հետո այն կուղարկվի Ադրբեջանի ԱԳ նախարարություն: Ադրբեջանական կողմը առաջարկը չի մերժել, սակայն դեռեւս չի պատասխանել:
Պարբերականը նշել է, որ երբ Լապշինը որոշել է ներողությամբ նամակ գրել, ադրբեջանցիները հայտնել են, որ գրավոր ներողությունը պատրաստ են ընդունել միայն Բելառուսից Լապշինին արտահանձնելուց հետո: Նրանք նշել են, որ «այս գործը սկզբունքի հարց է» եւ նրան կազատեն միայն արտահանձնելուց հետո: Այդուհանդերձ, Լապշինը վախենում է, որ ադրբեջանցիներն իրենց խոստումը չեն կատարի:
