«Իսլամական պետություն» ծայրահեղական խմբավորումը, որն արգելված է բազմաթիվ երկրներում, 2016 թվականին կորցրել է Սիրիայում եւ Իրաքում ավելի վաղ նվաճված տարածքների մեկ քառորդի նկատմամբ վերահսկողությունը: BBC-ի ռուսական ծառայության փոխանցմամբ՝ այս մասին հաղորդել է բրիտանական IHS Markit-ը:
Փորձագետների տվյալներով՝ մեկ տարվա ընթացքում ջիհադականները շուրջ 18 հազար քառակուսի կիլոմետր տարածք են կորցրել, եւ հիմա ահաբեկիչների վերահսկողության տակ է 60.4 հազար ք.կմ տարածք:
«2016 թվականին ԻՊ-ն աննախադեպ տարածքային կորուստներ է ունեցել: Դա վերաբերում է խմբավորման ծրագրերում առանցքային դեր ունեցող շրջաններին»,- նշել է IHS Markit-ի ավագ վերլուծաբան Կոլումբ Սթրեքը:
Փաստը, որ ԻՊ-ի զինյալներն անցյալ տարվա դեկտեմբերին նորից գրացեցի Պալմիրան, նա բացատրում է այն հանգամանքով, որ «Ասադի ու նրա դաշնակիցների ուժերն այդ ժամանակ զբաղված էին Հալեպով»:
ԻՊ-ի դեմ պայքարի ամենաբարդ փուլը լինելու է սիրիական Ռաքքայի նկատմամբ վերահսկողություն հաստատելը, որը համարվում է ջիհադականների հիմնական հենակետը:
IHS Markit-ի վերլուծաբանները նաեւ ընդգծում են, որ ԻՊ-ի զինյալների շրջանում տարաձայնությունները խորանում են, ինչը կարող է հանգեցնել խմբավորումից զինյալների փախուստի եւ անգամ խմբավորման պառակտման: