Հայաստանում բիզնեսը չպետք է չարաշահի հարկային մարմինների վստահությունը: ՀՀ կառավարության հունվարի 19-ի նիստում այս մասին հայտարարեց վարչապետ Կարեն Կարապետյանը (ֆոտոռեպորտաժ):
Նա հիշեցրեց, որ անցյալ տարվա սեպտեմբերին ՊԵԿ ղեկավարին հանձնարարել է ստուգել միայն պոտենցիալ ռիսկային բիզնեսը: Ցավոք, բազմաթիվ հարկատուներ սխալ են ընկալել այդ խոսքերն ու սկսել են ստվեր տանել իրենց շրջանառության մի մասը, ուռճացնել ծախսերը, խախտել հսկիչ դրամարկղային սարքերի օգտագործման կանոնները:
Վարչապետի խոսքով՝ հարկերից խուսափելու ցանկացած փորձ, լինի փոքր, թե խոշոր բիզնես, պետք է կանխվի: Այդ պատճառով հարկավոր է, առաջին հերթին, հետեւել հնարավոր խախտումներին: Մյուս կողմից՝ թափանցիկ աշխատող ձեռնարկություններին պետք է հնարավորինս քիչ անհանգստացնել:
«Այդ պատճառով այն ընկերություններում, որոնք պետությանը կներկայացնեն իրենց հաշվապահական հաշվառման համակարգը, վերահսկողությունը կսահմանափակվի պահեստների ստուգումներով»,- հավելեց Կարապետյանը: