Գերմանիայի արեւելքում՝ Սաքսոնիա հողում, ձերբակալվել են վրացական հանցավոր խմբավորման 10 անդամներ, հայտնում է «Ռուստավի2» հեռուստաալիքը։

Գերմանիայի ոստիկանությունը խմբի անդամներին որոնելու ու ձերբակալելու զանգվածային գործողություն է իրականացրել։ Իրավապահները խուզարկել են ավելի քան 30 տուն Դրեզդենում ու Լեյպցիգում։

Ձերբակալվածները Գերմանիայում են գտնվում հարկադիր տեղահանվածների կարգավիճակով։ Նրանք հիմնականում առեւտրի կենտրոններ ու խանութներ են թալանել։

Նրանց տները խուզարկելիս՝ ոստիկանները հայտնաբերել են գողացված ոգելից ըմպելիքներ, մանկական սննդամթերք, ծխախոտ ու կոսմետիկա։