Երեւանի «Արմենալ» գործարանում բռնկված հրդեհը մարվել է։ Տուժածներ չկան։
Ինչպես NEWS.am–ի հետ զրույցում ասաց «Արմենալի» մամուլի քարտուղար Ալեքսանդր Մելքումյանը, հունվարի 19–ին գլանման արտադրամասում այրվել է մեկ հաստոց։
«Միացել է տեղային հրդեհաշիջման համակարգը։ Մի քանի րոպե անց բռնկումը չեզոքացվել է գործարանի եւ ՀՀ ԱԻՆ մարտական հաշվարկի ուժերով։ Տուժածներ չկան։ Հրդեհի պատճառները կպարզվեն ներգործարանային հետաքննության արդյունքում»,– նշեց Մելքումյանը։