Սահմանին վիճակը սրելով՝ Ադրբեջանի նախագահ Իլհամ Ալիեւը փորձում է ցույց տալ, որ Եվրոպայի անվտանգությունը կախված է նաեւ իրենից։ Այս մասին հունվարի 19-ին՝ մամուլի ասուլիսի ժամանակ, ասել է ԱԺ պատգամավոր Թեւան Պողոսյանը։

Նրա խոսքով՝ այսօրվա դրությամբ պատերազմը Լեռնային Ղարաբաղում չի ավարտվել։ «Մենք պետք է ավելի խելացի լինենք, ճիշտ կանխատեսենք հնարավոր իրադարձությունները, եւ եթե պետք լինի, հարձակվենք։ Մենք պետք է ստեղծենք այնպիսի իրադրություն, որ Ադրբեջանը 5 տարի չկարողանա կրկնել ապրիլյան էսկալացիան»,– ասաց Պողոսյանը։

Պատգամավորի խոսքով՝ Ալիեւը փորձում է ցույց տալ, որ Եվրոպայի անվտանգությունն ին ձեռքում է։ «բայց ո՞վ է մեզ խանգարում նոր մեսիջ ուղարկել, որ Ղարաբաղն ու Հայաստանն են ապահովում Եվրոպայի հարավարեւելյան սահմանի անվտանգությունը։ Ով Տավուշի մարզի հայ զինծառայողներն են պաշտպանում Եվրոպայի անվտանգությունը»,– ասաց Թեւան Պողոսյանը։