Մարզային եւ համայնքային վարչակազմերի հետ կապված պետական ծառայությունները կարելի է ողջամիտ ձեւով փոխանցել մասնավոր բիզնեսին։ Այս մասին հունվարի 19-ին կառավարության նիստում ասել է վարչապետ Կարեն Կարապետյանը։
Նա տարածքային կառավարման եւ զարգացման նախարարին հանձնարարել է կազմել պետական ծառայությունները մասնավոր սեկտորին փոխանցելու մեթոդիկան, իսկ մարզպետներին՝ նախապատրաստել պիլոտային ծրագրեր։ «Աշխատանքի շատ տեսակներ մասնավոր սեկտորը կարող է ավելի արդյունավետ կատարել։ Դա կլինի աղբահանությունը, փողոցային լուսավորությունը եւ առողջապահական այլ ծառայություններ։ Իսկ նշանակում է, որ տեղերում կարող են եւ պետք է միջոցներ տնտեսեն»,– ասել է վարչապետը։