Հայկական պետությունների անվտանգության խնդիրները չեն լուծվի դիվանագետների գեղեցիկ հայամետ հայտարարություններով: Այս մասին հունվարի 19-ին՝ մամուլի ասուլիսի ժամանակ ասաց ԱԺ ընդդիմադիր պատգամավոր Թեւան Պողոսյանը:
Անդրադառնալով Ռուսաստանի ԱԳ նախարար Սերգեյ Լվրովի վերջին հայտարարությանը՝ պատգամավորը նշեց, որ դրանից ո՛չ Չինարիիում, ո՛չ Թալիշում, ո՛չ Ասկերանում անվտանգ չի դառնա: «Մենք պետք է գիտակցենք, որ, հնարավոր է, հայամետ հայտարարությունների հասնենք ճիշտ դիվանագիտության դեպքում: Բայց ամեն ինչ կվճռվի առաջնագծում: 2017-ին մենք պետք է գիտությունը, ռազմական արդյունաբերությունը զարգացնենք եւ վերանայենք ռազմական ծախսերը»,- ընդգծեց Պողոսյանը՝ շարունակելով, որ նոր խորհրդարանը պետք է բանակի բյուջեն վերանայի եւ նոր մոտեցումներ ձեւավորի: «Ղարաբաղյան խնդիրը շատ սերունդների խնդիրն է: Բայց մենք պետք է պատրաստ լինենք այդ ճանապարհն անցնելուն»,- հավելեց Թեւան Պողոսյանը:
Հիշեցնենք, որ 2016-ի ամփոփիչ մամուլի ասուլիսում Ռուսաստանի ԱԳ նախարար Սերգեյ Լավրովը ի պատասխան ադրբեջանցի լրագրողի սադրիչ հարցին, հայտարարել էր, որ ղարաբաղյան հակամարտության կարգավորումը բացառապես Ադրբեջանի ներքին գործը չէ: