Թուրքիայի նախագահ Ռեջեփ Թայիփ Էրդողանի Տանզանիա, Մոզամբիկ եւ Մադագասկար այցերի շրջանակում կքննարկվի Ֆեթուլլահ Գյուլենի ահաբեկչական հոսանքի (FETÖ) դպրոցները Թուրքիայի լուսավորության հիմնադրամի (TMV) տնօրինությանը փոխանցելու թեման, հայտնում է «Անատոլու» լրատվական գործակալությունը:
TMV տնօրենների խորհրդի ղեկավար Ջեմ Զորլուի խոսքով՝ իր ղեկավարած հիմնադրամն ստեղծվել է Թուրքիայի խորհրդարանի որոշմամբ՝ միջազգային ասպարեզում կրթական ոլորտի ձեռքբերումների առաջմղման համար:
«Թուրքիայում հուլիսի 15-ին Ֆեթուլլահ Գյուլենի ահաբեկչական հոսանքի անդամ զինվորականների ձեռնարկած պետական հեղաշրջման անհաջող փորձից հետո հիմնադրամը աշխատանքներ է իրականացնում FETÖ-ի դպրոցները Թուրքիայի տնօրինությանը փոխանցելու համար այն երկրներիում, որտեղ դրանք գործում են: Այդ կապակցությամբ եվրոպական մի շարք երկրներում ուսումնական հաստատություններ կբացվեն: Գվինեայում, Սոմալիիում, սիրիական Ջերաբլուսում եւ Նիգերիայում բոլոր դպրոցները փոխանցվել են Թուրքիայի լուսավորության հիմնադրամի տնօրինությանը: Դրանից զատ, շատ երկրներում՝ Չադում, Սուդանում, Գաբոնում, Սենեգալում, Մավրիտանիայում, Բուրկինա Ֆասոյում փոխըմբռնման համապատասխան հուշագրեր են ստորագրվել»,- ասել է Զորլուն:
Նրա խոսքով՝ հիմնադրամը միջոցառումներ է ձեռնարկել այդ դպրոցներում կադրերի թարմացման համար: Ուսուցիչները դպրոցներ կգնան Թուրքիայից: