«Իմ ունեցած փորձը հնարավորությունները ցանկանում եմ ի շահ պետության օգտագործել առավել արդյունավետ կերպով եւ ինձ տեսնում եմ Ազգային ժողովում»,-NEWS.am-ի հետ զրույցում ասել է Երկրապահ կամավորների միության անդամ Ղուկաս Ուլիխանյանն՝ անդրադառնալով իր թեկնածությունը առաջադրելուն։
«Հանրապետական կուսակցությունը դեռ չի հաստատել, երբ քաղաքական որոշումը լինի, ընդհանուր ցուցակները հաստատվեն, այդ ժամանակ ավելի պարզ կլինի»,-ասել է Ղուկաս Ուլիխանյանը։
Նշենք, որ Ղուկաս Ուլիխանյանը առաջադրվելու է թիվ 1` Նորք Նորք-Քանաքեռ Զեյթուն վարչական շրջաններն ընդգրկող ընտրատարածքում:
Նա Նոր-Նորք համայնքի ղեկավարի եղբայրն է։ Հարցին՝ եղբոր ռեսուրսների վրա է հույսը դրե՞լ, Ուլիխանյանը պատասխանեց․ «Կարծում եմ՝ իմ հնարավորությունները ներառում են նաեւ իմ հարազատներին, ընկերներին, որոնք ինձ պետք է օգնեն»։