«Ալ Կաիդա» ահաբեկչական խմբավորումը ստանձնել է Մալիում ահաբեկչության պատասխանատվությունը, որը 77 մարդու կյանք էր խլել։ Մահապարտները Գաո քաղաքի ռազմական ճամբարում ականապատ մեքենա էին պայթեցրել։ Ահաբեկչությունը վերջին շրջանում Մալիի ամենաարյունոտ ահաբեկչությունն էր, հայտնում է RFI–ն։

Ահաբեկչության պահին Գաոյի բազայում եղել են զինծառայողներ, ինչպես նաեւ տեղական զինված  խմբավորումների մարտիկները, որոնք խաղաղության համաձայնագիր էին կնքել երկրի կենտրոնական իշխանությունների հետ։

Մալիի իշխանությունները հայտնել են, որ սպանվել է նաեւ 5 ահաբեկիչ։