Վանաձոր-Դիլիջան ավտոճանապարհին՝ Լեռմոնտովո գյուղի մոտակայքում, տեղի է ունեցել ՃՏՊ. «ՎԱԶ 21-010» մակնիշի ավտոմեքենան դուրս է եկել ավտոճանապարհի երթեւեկելի հատվածից եւ կողաշրջվել: Այս մասին NEWS.am-ը տեղեկանումէ ՀՀ ԱԻՆ-ի մամուլի ծառայությունից: Հունվարի 19-ին, ժամը 19.45-ին ահազանգ է ստացվել, որ ավտոմեքենայի ներսում արգելափակված տուժած կա. անհրաժեշտ է փրկարաների օգնությունը:
Դեպքի վայր են մեկնել մեկ մարտական հաշվարկ եւ մարզային փրկարարական վարչության օպերատիվ խումբը:
Պարզվել է, որ «ՎԱԶ 21-010» մակնիշի 34 UZ983 պետհամարանիշի ավտոմեքենան դուրս է եկել ավտոճանապարհի երթեւեկելի հատվածից եւ մոտ 2 մ գլորվել մոտակա ձորակը:
Փրկարաները ավտոմեքենայից դուրս են բերել վարորդին. վերջինը հոսպիտալացվել է Վանաձորի ԲԿ: