Վաշինգտոնում բախումներ են գրանցվել ոստիկանության եւ նորընտիր նախագահ Դոնալդ Թրամփի հակառակորդների միջեւ, որոնք բողոքի ակցիայի են հավաքվել:
Ականատեսների վկայությամբ՝ բախումները սկսվել են Մամուլի ազգային ակումբի շենքի մոտ, որտեղ Թրամփի կողմնակիցները երդմնակալության նախաշեմին հանդիսավոր ընթրիքի էին հավաքվել: Այս մասին հաղորդում է DW-ն:
Ոստիկանությունն արցունքաբեր գազ եւ մահակներ է կիրառել, իսկ ցուցարարները ծխաբեր միջոցներ են օգտագործել: Հաղորդվում է առնվազն մեկ ցուցարարի վիրավորվելու մասին:
Ավելի վաղ Թրամփի դեմ բազմահազարանոց ցույց է անցկացվել Նյու Յորքում: Դրան մասնակցել են նաեւ բարձրաստիճան քաղաքական գործիչներ, հոլիվուդյան աստղեր: