Մեքսիկան ԱՄՆ է արտահանձնել ամենահայտնի նարկոբարոններից Գաճաճ մականունով Խոակին Գուսմանին: Այստեղ նա մեղադրվում է խոշոր խմբաքանակով թմրանյութերի մաքսանենգության եւ սպանության մեջ: Այս մասին հաղորդում է BBC-ն:
Մեքսիկական լրատվամիջոցների փոխանցմամբ՝ Գաճաճին նկատել են Սյուդադ Խուարես օդանավակայանում: Առայժմ հայտնի չէ, թե ուր են տանելու նարկոբարոնին:
Գուսմանի արտահանձնման հայցով Մեքսիկայի իշխանություններին են դիմել Քալիֆորնիա եւ Թեխաս նահանգները: Առայժմ հայտնի չէ, թե հատկապես ուր կտանեն Գաճաճին: ԱՄՆ դատախազությունը Մեքսիկային խոստացել է, որ նրա նկատմամբ մահապատիժ չի կիրառվելու:
