Մերկ հակակառավարական հռետորաբանությամբ ընդդիմությունը առաջիկա ընտրություններում հեռու չի գնա։ Այս մասին հունվարի 20-ին՝ մամուլի ասուլիսի ժամանակ, ասել է ՀՀԿ պատգամավոր Խոսրով Հարությունյանը։
Նրա համոզմամբ՝ հայ հասարակությունը բավականաչափ հասուն է եւ նման հասունություն է պահանջում քաղաքական գործիչներից։ Հասարակության վստահությունը շահելու համար հիմա քիչ է պոռթկուն մերկացնող լինել։ Պետք է լուծման սեփական ուղիներն առաջարկել։ «Այդ կապակցությամբ ուրախալի է «Համախմբում» կուսակցություն ելույթը, որը ներկայացրեց խնդիրներ լուծման իր մոտեցումները։ Ցավոք, քիչ չեն նաեւ այլ բնույթի ելույթները։ Դրանց էությունն այն է, որ ՀՀԿ–ն պետք է հեռանա, եւ ոչինչ ավելին։ Նման բովանդակության ելույթները քիչ բան են տալիս ընտրողներին։ Պետք է ցույց տալ, թե ինչ ես առաջարկում ինքնդ»,– ասել է նա։