Այս տարեվերջին Չինաստանը կսկսի բնակչությանը երկրաշարժի հզորության եւ աղետի սպառնալիքի մասին արտահերթ ծանուցող պետական ծրագրի իրականացումը: «Սինհուա»-ի փոխանցմամբ՝ այս մասին հայտնել են Չինաստանի պետական սեյսմոլոգիական վարչությունից:
Համակարգի կառուցումը մոտ 5 տարի կտեւի: 1,85 մլրդ յուան (մոտ 30 մլն դոլար) կհատկացվի 15,510 կայանների կառուցման համար, որոնք նախատեսված են երկրաշարժերի մոնիթորինգի եւ մագնիտուդի չափման համար:
Համակարգը կարող է երկրաշարժերի մասին բազային տեղեկություն հաղորդել դրանց առաջացումից հետո 1-2 րոպեի ընթացքում, ստորգետնյա ցնցումների մագնիտուդի մասին՝ երկրաշարժից հետո 2-5 րոպեի ընթացքում եւ աղետի հետեւանքների մասին մանրամասն տեղեկություններ՝ 30 րոպեից մինչեւ 24 ժամվա ընթացքում:
