Հայաստանի ժողովրդական կուսակցության ղեկավար, ՀԱԿ խմբակցության պատգամավոր Ստեփան Դեմիրճյանը NEWS.am-ի հետ զրույցում վստահեցրել է, որ դեռ չի հստակեցրել՝ ընտրություններին որ քաղաքաքական ուժի հետ են դաշինք կազմելու, կամ առհասարակ մասնակցելու են ընտրություններին, թե ոչ։
«Մինչեւ հունվարի վերջ կուսակցության վարչությունը կհստակեցնի առաջիկա ընտրություններին մասնակցության ձեւաչափը, բնականաբար, առաջին հերթին մասնակցության հարցը կքննարկվի մեր դաշնակից Հայ ազգային կոնգրեսի հետ»,-ասել է Ստեփան Դեմիրճյանը։
Նա վստահեցրել է, որ այլ ուժերից որեւէ մեկի հետ միասնաբար մասնակցելու վերաբերյալ բանակցություններ չեն վարում։ «Այդ մասին տեղեկություններն իրականությանը չեն համապատասխանում»,-ասել է ՀԺԿ ղեկավարը։
Ստեփան Դեմիրճյանը շեշտել է, որ ամսվա վերջ հայտնի կլինի՝ ՀԱԿ-ի հետ դաշինքով կմասնակցեն, թե ոչ։